Venres Santo

Maldicido e cuspido polos homes,
mantivo firme o amor que nos libera,
co perdón e coa fe foi o máis forte,
anque en cruz o máis débil parecera.

Adorámoste cruz na fe bendita,
sinal de vida en Cristo conquistada,
sinal do camiñar dos que confían,
sinal da fe da Igrexa rescatada.

A Deus que con amor terma da historia
que é Pai, Fillo e Espírito, loanza,
a quen volve coa cruz unha esperanza
de salvación e vida, sexa a gloria.