A Xunta Directiva da Cofradía da Peregrina de Bertamiráns presenta este proxecto de retablo para a Capela da Peregrina.
Buscouse facer unha proposta armoniosa e conforme ao conxunto deste espacio. O novo retablo destaca polo seu deseño escalonado, xogando con diversas alturas en madeira destacando o plano central onde se atopa enmarcada unha vidrieira xa existente, a imaxe da titular do templo -a Virxe Peregrina- e o Sagrario. Todo complétase con catro corpos laterais, dous a cada lado, que recollen as imaxes que xa se posúen: San Pedro e San Pablo, Santo Domingo e San Francisco Xavier (no foto por erro sae san Xosé); recuperando así a antiga orde que había no retablo da capela do Pazo. En definitiva mediante unha linguaxe actual proponse a utilización de madeiras barnizadas con fondos gravados en pan de ouro.
Pídese a colaboración de todos cantos poidades facer algunha achega económica para sufragar este proxecto. Trátase dunha obra que se acometerá ao mesmo tempo que o revestimento en pedra do lateral esquerdo deste templo cuxas obras comezarán o vindeiro luns 2 de xullo de 2012. As persoas que queiran facer algunha doación para este fin podedes entregala na Capela ou na conta da Cofradía da Peregrina.
 |
| Fotomontaxe do Proxecto de Retablo |
 |
| Fotografía do antigo retablo da Peregrina na antiga Capela do Pazo |