Querida veciñanza:
Que boas son as festas!
Non! Non teremos tempo de aburrirnos! Aínda que quen
estea lendo isto agora mesmo non sexa unha persoa desas “que se comen aos
Santos” este xuño non terá tempo de aburrirse.
En
Covas teremos o vindeiro domingo, día 17 de xuño a Misa e procesión do
Santísimo Sacramento. Os
veciños xa están preparando todo para a alfombra e tamén para que todo luzca
fermoso. Gracias pola vosa xenerosidade.
Cando penso en San Xoán, patrono de Ortoño, penso nun
tipo estupendo. Ao velo a el tan actual, penso que, o día menos pensado, o que
pode ser Santo…es ti ou eu.
Por outra banda cando penso en San Xoán -24 de xuño-,
vexo fogueiras. Unha fogueira é a que con tanto agarimo
acenderon os membros da Comisión de
Festas lembrándonos como era hai poucos anos a festa do patrón de Ortoño.
Estes si acenderon unha fermosa fogueira e moitos botamos unha man para que
quente ben os días 24, 25 e 26 de xuño.
Xuntarémonos para honrar a San Xoán, ao Santísimo Sacramento e a San Antonio. Non me cabe a
menor dúbida de que a fogueira chea
de emocións está en marcha e para ben. Parece que vai ser unha fogueira moi grande que nos ensine a
saltar, que nos adestre a todos, mozos e vellos, a saltar alto e sen
queimarnos. Pode ser -se te animas-, unha fogueira
que saltemos xuntos, ao redor da cal, nos demos a man todos os veciños e amigos
de Ortoño, porque nos sentimos irmáns e construtores dunha sociedade e dunha
parroquia que se une para iluminar aos demais. Si, as fogueiras iluminan. Unha luz grande, San Xoán 2018.
A miña máis sincera felicitación para todos nestes
días convidándovos a facer un lume vivo no voso tempo e nos vosos corazóns para
facer festa. E que a luz destes días brille nos rostros de cantos queirades
vir.
Con agarimo sempre saúdavos,
José Luis Dorelle Iglesias, o voso Párroco.
No hay comentarios:
Publicar un comentario