Domingo 4 de junio

Domingo, 4 de xuño de 2017

Atención ao cambio horario

11  h.: Non hai misa en Bertamiráns

 12 h.: en Ortoño, Misa parroquial

Re-estreno do púlpito do templo parroquial 

co Sermón do Encontro con Cristo Resucitado

Púlpito da igrexa parroquial

        

        A igrexa parroquial grazas a unha doazón particular recupera o seu fermoso púlpito no cruceiro da mesma.

         Trátase dunha obra realizada en madeira de castaño e policromado por un maestro na materia. Caracterízase pola súa sobriedade e fina elegancia que fai considerar ao asistentes ás celebracións que a nosa parroquia é unha comunidade con raíces e con historia: con lembranzas, algo tan importante para todos.

         Lembranzas é o que o novo púlpito proporciona á nosa igrexa parroquial devolvéndolle con él a súa primitiva fermosura e facendo que os que chegan ata aquí se sintan de novo na Casa e para os que non son de orixe de Ortoño esta obra contribuirá a que disfrutemos dun templo mais completo que reforce a sensación de benestar que ofrece un bó anfitrión cando recibe e acolle a calquera no seu fogar.

        Igualmente resaltar que este lugar foi espazo da comunicación oral entre o crego e os fregueses durante séculos, é dicir, foi lugar do diálogo e do entendemento. O lugar desde o que desde antigo resonou con forza no corazón dos crentes a Palabra de Deus e desde donde os oíntes facían silencio deixándolle falar a Él (Cf. Papa Francisco, A ledicia do Evanxeo, n. 143).