Cantar de Reis

 

Cantar de Reis

 

Lorenzo Mónaco, Adoración dos Reis, ano 1420, Galería dos Ufizzi. Florencia.

Cantar de Reis

Baixo os tellados da noite

cabalgan os reises magos.

Unha estrela pequeniña

vaille os vieiros marcando

i-o vento marcha dediante

para avisar ao Ben Nado.

No lusco-fusco da i-alba

rechouchían os paxaros.

A Virxen arrola ao Neno;

o boi quéntao co seu bafo.

Pombas con azas de neve

vanse na rua pousando.

Nos seus cabalos de lua

xa chegan os reises magos.

 

Celso Emilio Ferreiro

Poemas Soltos (1932-1978)